لما
أنضم للأهلي قادما من الترسانة .... كل النقاد والاعلام والأهلوية قالوا
عنه خليفة أبو تريكة عشان لمجرد عنده لمحة من المهارة ومن باب التفاؤل
عشان جاي من الترسانة زي ما كان أبو تريكة بالظبط جاي من الترسانة على
الأهلي ...
وأهو الراجل دلوقتي بيلعب في المصري وكمان المصري عايز يستغنى عنه ...
شوفتوا الزمن ؟؟؟
هو ده خليفة أبو تريكة ....
أنتوا عارفين أنا عامل الموضوع ده ليه ؟؟
والله
العظيم مش تريقة ولا أستفزاز ...أناعامل الموضوع عشان خاطر النغمة والموجة
اللي شغالة اليومين دول من الأعلام ومن الأهلاوية على اللاعب الصاعد أحمد
شكري .... وكلهم أجمعوا انه هياخد مكان أبو تريكة بعد تلات سنين من الآن
ولدرجة أن الكل سماه .... ( أبو تريكة الجديد ) ...
والله
أعلم مصيره هيبقى أيه ..... أنا كمشجع لمصر قبل ما أكون مشجع زملكاوي أكيد
يهمني أن يكون فيه في مصر لاعب زي أبو تريكة يمكن نقدر نواصل الأنجازات
القارية بتعة منتخبنا الوطني .... لكن أكيد مش هفرح لما لاعب يضيع مستواه
عشان بنحمله ضغط كبير عشان بنشبهه بلاعب تاني أسطورة كبيرة ....
نفس الكلام قاله محمود سمير لما الأهلي أستغنى عنه ...
قال
بالحرف ..... مفيش في الدنيا لاعيب شبه التاني وكل لاعب ربنا خلقه له
شخصية كروية مختلفة .... وقال كمان أنه مقدرش يبدع ويخرج بأمكانياته لان
الناس جمعته في دايرة تانية مع أبو تريكة وطبعا ساعتها المقارنة مش في
صالحه ...
ودلوقتي جه الدور على أحمد شكري اللي بيتقال عليه نفس الكلام حاليا ونفس القصص هي هي ....
والله أنا عن نفسي بتمنى أنه يبقى أبو تريكة الجديد ..... لكن ده مش هيحصل غير لما نبطل المقارنات والتشبيهات ....
ومتنسوش
أن محمود الخطيب وطاهر أبو زيد و حازم أمام الكبير ومحمد أبو تريكة
وشيكابالا وكل اللاعيبة الحريفة دي كلهم محدش فيهم أتقال عنه أي تشبيه
بلاعب سابق كبير ...
لأن كلهم طلعوا بالتدريج وكسبوا حب وأحترام الجمهور شوية شوية ومش من يوم وليلة أصبحوا نجوم .....
الكلام ينطبق على لاعبين جدد في الزمالك وفي سائر الانديه